我... 係女人!!!

係 100% 如假包換, 百分之一百非常女人!!! 

咩呀  知你班衰人實笑到碌地  仲唔嗱嗱声企翻起身喎?!!

唔怪你哋... 係自己抵死, 一直樂於令人confused...

若然唔係惹來太多烦死人嘅誤會

点會需要E家攞嚟講?!!

but

 咁易俾人暸解就唔係"我"lah!!! 

也就顯示唔到我心中"某人"嘅利害   係幾咁 eXtraOrdinary 與眾不同!!!

Really 睇怕今生今世 (BTW, 我深信有前生來世的...) 唯独"某人", 甚至比我自己更早, 能透徹看穿外壳裏面嘅"我"... sigh!

亦因為"某人" 我才係近年先至正視/証實/瞭解... 之後再諗都唔駛諗可以即刻答哩個咁简单嘅自身問題... 十分 proud of tim 

仲要當有人話我甚至罵我 "女人" 我會好鬼開心  coz 我當有人認識我囉!!

係嘞, 知仲有你哋知我好女人嘛! 成鬼日鬧我巴弊!!

知嗰 D 咪嘈住我同唔識我嘅人講嘢吓~ 

我点會唔係啫?

明明清清楚楚印係出世紙, 身份証,  passport(s), 回鄉証, 學生証等等所有 official 文件... 性别都係一式一樣 = 女 /Female 

另幼稚园, 小學 & 中學我都係讀同一間全女校噃! 至鍾意嗰件校服長衫!

係架, 我細個或讀書嗰時都有着裙! 

我E家唔着裙唔留長頭髮... 係因為難襯唔好睇, 並非我抗拒。

ha 最近睇翻 D 舊相, 我着裙仔或長衫都幾好睇噃  只係長/攣嘅髮型好畸怪 & 難頂... 唉! 多得我阿媽囉  

umm 基本上我着嘅衫都係唔太似男装嘅男装, 而如果有合適嘅 sizes 我都會買女裝格! 我有好幾件 fancy color & or flora pattern 嘅恤衫啫!

Anyway, 我点女人法?!!

生/身理結構唔需要講吧!! 至於其他所有女人嘅性格特質, 我都全部有齊! 

識我嘅都知我好鬼姿整貪靚, 如非特别事故迫不得已, 冇一個鐘頭我係出唔到門口見人的。雖然, 我有個男性 buddy /neighbor (係, 呢次冇你份, 你只要30分鐘) and one of my bro 需要兩個鐘  

我至鍾意shopping...

朝朝去買早餐咖啡的商场, 我都必定轉個圈先至返 office。

去親边度都唔錯過任何行街街嘅机會, 就算只係 window shop。日日唔厭 

無無聊聊唔等洗嘅都買一 D... 然後柄埋一角唔記得買咗, 下次又再買過... 成日有重覆多餘嘅嘢俾人。做我嘅 assistant /secretary & domestic helper 至發達!

我有嘅衫褲, 鞋襪, 衣飾物, 多到大大話話可以換嚟輪住着一個月冇repeat, 亦够哂擺一間最小 50 sqm 嘅铺去賣。雖然, 着來着去都淨係嗰幾件...

又極容易受 D 靚 sales 氹買埋林林種種一大堆 skin /facial cares & etc. but 通常到過咗期都冇郁過, 甚至未拆包裝... coz 僅記得用水洗面, 只會用 Mentholatum & 無比膏嚟揸 

仲有好幾間spa 嘅membership... 一街都係錢, 以为俾咗錢就會瘦&靚 

我去 work out? 户外運動 /活動?? 講都冇人信 

有講價 & 貪便宜/着數, 不過至唔叻总俾人呃之嘛!  

我非常容易受感動 & 喊, 睇書或睇戲都會。喊俾边個睇 or 俾唔俾人發覺就另話 

你信唔信我冇睇過 Avatar 阿凡達 arh?? 我对所有 action, 戰爭, 太空, 歷史, 恐怖等嘅 movies 冇大興趣, 睇唔睇都得, 管他是大片or 有幾 hit。

亦唔多睇報紙留意新闻時事, 睇TV 我淨鍾意睇 food & home living channels。

我幾拿手做家務及有天份 cooking, 只不過人懶冇藥医又的唔起心肝去做咋!

same as 一般女性至多叻小小, 我係一個低B科技電器使用者。

剛剛閙了不少離譜笑話...  係乜??! 唔話你知, 费事益你! 嫌唔俾人笑我白痴笑得够皮咩?!! 

笑還笑始終幫我攪翻掂  知啦! 我冇咗你哋唔得吖嘛?!!

係嘅~ 幸亏身边总有人可以倚赖!

haaa 你冇睇錯我又冇寫錯... 除咗工作上, 私底下我係極倚赖人, 唔會楂主意... 至憎照顧人tim... 可能因為咁, 我唔要女助手啩!

好在我 D work partners 唔单止係大年紀過我嘅全男班, 仲全係左鄰右里! 着数啩?!

我呢世人又真係幾 lucky!

就算至 worst 都還有無辦法唔理我係HKG嘅兩個細佬仔 ha 我唔講人人都會以為佢哋係我大佬... 話時話佢哋個樣又真係老我好多 heehee

跟住要好努力培训3個 nephew 仔做接班人先!!

that's all for now 講多無謂, 有机會接触下我就知道我有幾"茶煲"嘞!